Dende a súa constitución, en 1992, Espacio Aberto, aposta por vías, métodos e propostas escénicas contem poráneas; ademais de desenvolver un proxecto formativo que se renova e evoluciona ano tras ano, trabállase na adaptación do seu plantexamento metodolóxico ós permanentes cambios que se producen nas distintas manifestacións artísticas dos nosos días, sen esquecer a ollada necesaria ós grandes autores e autoras e teorías teatrais do século XX. O proceso formativo en Espacio Aberto ten como obxectivo situar ó/á alumno/a ante a propia responsabilidade de ser artista, creador/a e transformador/a da realidade e, asimesmo, transmisor/a do que percibe, con total autonomía e liberdade creativa.

O carácter múltiple e interdisciplinar da arte como vehículo de expresión adaptado ó devir contem poráneo é un feito. A liberación da imaxinación como orixe de sentimentos e conceptos, xunto co adestramento e a formación como proceso permeable de aprendizaxe para a súa canalización, culminan na liberdade expresiva: unha condición indispensable para que todo artista desenvolva a súa labor de creación e transformación de forma aberta, autónoma e libre de todo prexuicio.

O entrenamento da imaxinación e a preparación física, intelectual e conceptual, constitúen as ferramentas máis valiosas para o desenvolvemento da individualidade creadora, para dende a liberdade e o posicionamento crítico e reflexivo afrontar a labor actoral como verdadeira canle de creación e transformación.